ئامادەی هاوڕێی تازە بناسیت؟
(تیب) و (لالۆ) و( بۆبڵ)لە دارستانێکی گەورە دەژین. ژیانیان پڕە لە دۆزینەوەی شتی تازە ونوێ.
لە هەر ئەڵقەیەک کارەکتەرێکی نوێ پەیوەندی بە بەرنامەی (ئۆلۆبۆب ئینتەرتەینمنت) دەکات.
هاوڕێکانمان شێوە و ڕەنگ و فۆرمەکان بەکار دەهێنن تاوەکو کارەکتەرێکی تازە دروست بکەن. بە پێکەوە کارکردن هانی حیکایەتخوانە دڵسۆزەکە دەدەن لەگەڵیان بیر بکاتەوە. ئێمە کاتێکی خۆش بەسەر دەبەین لە سەیرکردنی ئەم بەرنامەیە.
پێکەنین باشترین چارەسەرە.
لە نەخۆشخانەی هیلتۆپ هەردوو گروپی کارمەندان و نەخۆشەکان ئاژەڵن. بەشی فریاکەوتنی نەخۆشخانەکە لە باخچەی ئاژەڵانی ڕاستەقینە دەچێت.لە هیلتۆپ هەرگیز ساتێکی بێزارکەر بوونی نییە چونکە ستافی نەخۆشخانەکە مامەڵە لەگەڵ شتە پێکەنینانوی دڵخۆشکەرەکان دەکەن.
لە نەخۆشخانەکە دەرفەتی بە فیرۆدانی کات بوونی نییە, لەگەڵ هاتنی بەردەوامی هەر کەیسێکی لەناکاو, بۆ منداڵان دەردەکەوێت پێکەنین باشترین چارەسەرە.
(سوەی سوەی) و ( بادیوز) دوو بەخێوکاری یەکجار ناوازەن کە حەزیان لە هەموو جۆرە نانێکە. ئەم جووتە مراویە ئارام و لەسەرخۆیە بە موشەکێک لە ڕۆژئاواوە گەشت دەکەن بۆ (خومرەی پۆنجیا) بۆ ئەوەی هەندێک نان بە دەنووک هەڵگرن.مراویەکان بەردەوام کاردەکەن, بەڵام دەیانەوێ دڵنیا بن لەوەی کە ئەوان هەموو ڕۆژێک و بە درێژایی هەفتە دڵخۆش و ئاسودەن. ئەوان پێویستە ئاگاداری کلکیشیان بن, چونکە ئەگەری هەیە ئەو دڕندەی کە ناوی (ئێڤیری)ـە و سێ گوپی هەیە لەهەر سوچێکەوە بەدەر بکەوێت. لە هەمووشی گرینگتر, ئەم مراویانە تەواوی تیکە نانەکان دەبەن بێ ئەوەی هیچ پاشماوەیەک جێبهێڵن. لە بیر مەکە, وێرای هەموو ئالەنگاریەکان , گرینگ نیە چی ڕوودەدات, ئەوان لە کارەکەیان بەردەوامن و هەرگیز دەستبەرداری کارەکەیان نابن. ئێستا کاتی ئەوە هاتووە خۆت بە کلکی مراویەکان هەڵواسی و گەشتێکی پڕ لە سەرگەرمی و سەرکێشی ناوازە ئەنجام بدەیت.
(مایا) هەنگێکی فزوڵی و پڕ لە سەرکێشى و کەمێک بێ بایەخە. مایا روح سوک و خوێن شیرینە, تەنها کەمێک ترسنۆکە.
مایا ئێستا خۆی ئامادەکردوە بۆ ئەوەی لەگەڵ یەکێک لە هاوڕێکانی بە ناوی (ویلی) گەشتێکی پڕ لە سەرکێشی ئەنجام بدات. (ویلی) زۆر برسیە و زۆریش ماندووە.
بێگومان ئێمە هەموومان ئەو کلۆیەمان خۆش دەوێت کە ناوی ( فیلیپ)ـە چونکە پارێزگاری لە (مایا) و ( ویلی) دەکات.
(تیمی تێرنەر) کوڕێکی تەمەن (١٠) ساڵانە و ژیانێکی پڕ لە چەرمەسەری دەباتە سەر. هەمیشە لە لایەن (فرانسیس)ـەوە گاڵتەی پێدەکرێت و لە قوتابخانەش ڕقی لە (میستەر کرۆکەر) دەبێتەوە, دایک و باوکی بایەخی پێنادەن و ڕادەستی (ڤیکی) دەکەن بۆ ئەوەی چاودێری بکات. (تیمی) جارێکی تر دەچێتە لای (کۆزمۆ) و ( واندا ) کە دوو پەرین و هاوشێوەی دایک باوک مامەڵەی لەگەڵدا دەکەن بۆ ئەوەی خواستەکانی بەدی بهێنن. زۆر جار خۆزگە و خواستەکانی کارەسات لەدوای خۆیاندا دەهێنن, چونکە یان ئەوەتا ئاواتەکان کارەستبارن, یاخود دوژمنێکی نوێی بۆ دروست دەکەن. ئەمە کارێکە پەیوەندی بە (تیمی) و فریشتەکان هەیە, پێویستە ئەوان هەوڵ بدەن کاریگەریەکان پێچەوانە بکەنەوە چونکە هەموو جارێک خواست و ویستەکان دەرەنجامی خەراپیان هەبوو.
ڕوداوەکانی ئەم فیلمە لە جیهانێک ڕوودەدات کە هاوڕێ خەیاڵیەکان لەگەڵ مرۆڤەکان بەیەکەوە دەژین, فیلمەکە باس لە منداڵێک دەکات بە ناوی (ماک) کە دایک و باوکی فشارێکی زۆری لێدەکەن بۆ ئەوەی واز لە هاوڕێیەتی هاوڕێەکی خەیاڵی بە ناوی (بلوو) بهێنێت. دواتر ئەم دوو هاوڕێیە ماڵێک دەدۆزنەوە کە تایبەتە بەو منداڵە خەیاڵیانەی دایک و باوکیان لە دەستداوە . (بلوو)دەچێتە ناو خانووەکە بۆ ئەوەی شوێنێک بۆ (بلوو) دابین بکات. کارمەندانی خانووەکە ڕازی دەبن (بلوو) وەربگرن بەو مەرجەی (ماک) هەموو ڕۆژێک سەردانی نەکات.ئەڵقەکانی ئەم زنجیرە فیلمە بەردەوام دەبێت و باس لە پەیوەندی نێوان (ماک) و (بلوو) و کارمەندانی ناو خانووەکە دەکات کە چۆن مامەڵەو ڕەفتار لەگەڵ هاوڕێ خەیاڵیەکان دەکەن و بەشداری گەشتە سەرگەرمیەکانی ئەم هاوڕێیانە دەکەن کە زۆرجار ڕووبەڕووی تەنگژەی هەمەجۆر دەبنەوە.
ئایا دەتەوێ بەشداری پێشبڕکێی ئۆتۆمبێل بیت یان قسە لەگەڵ ورچێکی مرۆڤدۆست بکەی؟
ئایا هەرگیز خەونت بەوە بینیوە دورگەیەک بدۆزیتەوە یاخود گەشتێک بۆ سەر مانگ ئەنجام بدەیت؟
ئەمانە کێشە نین…
هەموو شتێک لەگەڵ (لووی) ئاسانە. بە یارمەتی (لووی) و (یۆکۆ) فێری ئەوە دەبیت چۆن وێنە بکێشیت و هەروەها چۆن کاتێکی خۆش بەسەر بەریت.
گەشتە پڕ لە سەرگەرمیەکانی خێزانی ئەسپێکی دەریایی, کە بە شێوەیەکی تایبەت تیشک دەخاتە سەر بچووکترین ئەندامی ئەم خێزانە , ئەویش ئەسپە دەریاییە بچکۆڵانەکەیە. حەز دەکەیت بە یەکەوە بینەری گەشتە پڕ لە سەرگەرمی و سەرکێشیەکانی ئەم ئەسپە دەریاییە بچکۆڵانەیە بین؟
لە هەر ئەڵقەیەکە ئەسپە دەریاییە بچکۆڵانەکە ڕووبەڕووی کێشەیەک دەبێت و هەوڵ دەدات بە ڕێکار و شێوازە تایبەتیەکانی خۆی چارەسەری ئەم کێشانە بکات.
دەسا با بەیەکەوە ببینین ئەم ئەسپە دەریاییە چەند زیرەک و بلیمەتى.
هەموو بابەتەکان پەیوەست بە ئەو, بە (گارفیڵد).
گارفیڵد پشیلەیەکی تەمبەڵ و خۆپەرست و قەڵەوی ڕەنگ پرتەقاڵیە , ئارەزوی سەرەکی پاڵکەوتن و خەوتن و سەیرکردنی تەلەفزیۆن و کات بەسەر بردنە.
ئەوە گارفیڵدە
لە دارستانەکانی (باوتۆندۆر) سێ مێشولەی خنجیلانە هەیە .
ئەم سێ خنجیلانەیە ناویان (ئەلێکس- هەنگێکە) و (ئامەدێ -قالۆچەیەکی دارستانە) لەگەڵ ( لیسۆن – پەپولەیەکی جوانە).
ئەم سێ هاوڕێیە زۆر بە خۆشی بە یەکەوە دەژین و چەندین گەشتی پڕ لە سەرگەرمی ئەنجام دەدەن.
فیلمێکی ئەنیمەیشنی کارتۆنیە , باس لە دوو (قوندس /سەگاو) دەکات بە ناوەکانی (نۆربێرت) و ( داگێت) کە ئەوان دوو بران بە یەکەوە لە یەک ماڵ دەژین. ئەوەی ڕاستی بێت مامەڵە کردن لەگەڵ (نۆرب) زۆر ئاسانە , باشترە بڵێی پێشان زۆر ئاسان بوو , هەروەها (داگێت) زۆر توڕە مۆنە.
ئەم دوو برایە هەردووکیان جۆرە ئاژەڵێکی قرتێنەرن زۆربەی کات لەناو ئاو دەژین پێیان دەوترێت سەگاو. ماوەیک لەمەوبەر لە دایک و باوکیان جیا بوونەوە بۆ ئەوەی لەناو دارستانەکە بە سینگلی بژین. لە زۆربەی کاتەکان گەشتی پڕ سەرکێشی ئەنجام دەدەن, ئەمەش دەبێتە هاندەرێک بۆ ئەوەی لایەنە ناشیرنەکانی خۆیان دەربخەن. ئەوان بە سەگاوە توڕەکان ناسراون.
(بێرنی) هەرزەکارێکی ڕوح سووکە و (کۆرنیل) بە خێو دەکات .(کۆرنیل) سەگێکە زیرەکیەکی لە ڕاددە بەدەری هەیە. ئەوەی ڕاستی بێت (کۆرنیل) دەتوانێ بە چەندین زمانی بیانی قسە بکات, دەتوانێت زۆر بە خێرایی بابەتەکان و ژمارەکان بخوێنێتەوە. ئینجا بۆ ئەوەی نەبێتە سەگێک لە تاقیگەکان تاقیکردنەوەی لەسەر بکرێت, (کۆرنیل) بڕیار دەدات زیرەکی و لێزانیەکەی خۆی بشارێتەوە. کاتێک (بێرنی) دەستنیشان دەکرێت بۆ ئەوەی ببێتە بەخێوکاری (کۆرنیل) , ژیانی ئەم سەگە سەراوژێر دەبێت چونکە نهێنیەکەی ئەم سەگە لای (بێرنی) ئاشکرا دەبێت.
ئەوەیان باس لە گەشتە پڕ لە سەرگەرمیەکانی سیدریک و خێزان و قوتابخانەکەی دەکات. هەموو ڕۆژێک بۆ ئەو منداڵە هەشت ساڵە گەشتێکی پڕ لە سەرکێشیە. (سیدریک) ئەو پاڵەوانەیە کە جێگەی خۆی لەناو دڵی سەرجەم منداڵەکان کردۆتەوە, زۆر ڕوح سووکە , لە هەمان کاتیشدا دڵی زۆر ناسکە. بە ڕاستی ئاستەمە منداڵ بیت و لەگەڵ خانمێک و قوتابخانەیەکی ڕێکار تووند و باوکێکی فزوڵی و هاوپۆلی گێرەشێوێن و کوڕە خوشکێکی بێزارکەر و کچە هاوڕێیەکی مەزاجی ژیان بەسەر بەریت. بۆ (سیدریک) سەختە ئارامی خۆی بپارێزێت. دڵخۆشترین شت بۆ ئەو بوونی باپیرەیە کە بەردەوام پشتی دەگرێت.
سەیری پاڵەوانەکەمان بکەن کە ناوی (مۆرفی) یە. (مۆرفی) بەردەوام هەوڵ دەدات خەڵاتە گەورەکە بەدەست بهێنێت لە پای دەستگیرکردنی مێشولەیەک بەناوی (پەک). (مۆرفی هەرگیز نەیتوانیوە ئەو مێشولەیە بگرێت و هەرگیز سەرکەوتووش نابێت. هیچ شتێک بە دڵی (مۆرفی) نابێت چونکە ڕکابەرێکی سەرسەختی هەیە بەناوی (بلاد جاک). بلاد جاک ڕکابەڕێکی بەهێزە, کاری ئەو هەوڵدانە بۆ بەدەستهێنانی خەڵاتەکان.
هەموو ئەو شتانەی بە هەڵە ئەنجام دەدرێن کۆتاییەکەیان هەر هەڵە دەبێت.
بگەڕێوە بۆ فیلمە کارتۆنیە کۆمیدیەکان و سەیری (بەگد) بکە.
(بیلی و بەدی) پڕە لە خۆشی و ئازار.
(بیلی ) و سەگەکەی هەمیشە دوچاری کێشە دەبن.
(بیلی) و (بەدی) پڕ وزە و پڕ خوێن گەرمن.
تۆ بڵێی ئەم گەشتە پڕ لە سەرکێشیە بچووک و گەورانەی ئەم دووانە ئەنجامی دەدەن بەرەو کوێیان دەبات؟
زنجیرە کارتۆنی تۆد پاترۆل باس لە گروپێک دەکات کە لە هەشت برای بچووک لە تایفەی بۆقە بچووکەکان پێکدێن کە پێیان دەوترێت (تۆدلێت). ئەوان دەجەنگن لە پێناو مانەوە لە دارستانە گەورەکەی (گرێیت فۆریست). ئەوانەی لە کۆنەوە لەو دارستانە نیشتەجێن زۆر بەهێزن و زانیاریان لەسەر (شامانی) وەک جادوێک هەیە. بە گوێرەی داستانەکە, ئەوان شتێکیان دروستکردبوو بەناوی (تۆد هۆڵۆ) کە لە دوای خۆیان چەندین هێماو سیمبوڵیان جێهێشتووە وەک بەڵگەیەکبۆ نیشتەجێ بوونیان لەم شوێنە, بەڵام لەناوچوون. ئێستا , لەبەر چەند هۆیەکی نادیار, پێویستە (تۆدێلت)ـەکان دارستانەکە بەجێبهێڵن و بەرەو (تۆد هۆڵۆ) کۆچ بکەن. تاکە ڕێگایەکیش بۆ ئەوەی بچیتە ناو (تۆد هۆڵۆ) بریتیە لە دەروازەیەکی گەورە بە ناوی (فەیری ڕینگ). ئەمە تاکە ڕێگایەکە ڕێگری دەکات لەوەی کەسێک دوای داخستنی (فەیری ڕینگ) ببێتە (تۆدستووڵ/ کوارگێکی ژەهراوی). ساڵانە ئەم دەروازەیە بە شێوەیەکی ڕەمەکی لێرەو لەوێی ئەم دارستانە دەکرێتەوە, هەر کەسێک نەتوانێت (فەیری ڕینگ) بدۆزێتەوە ئەوا دەگۆڕێت و دەبێتە بۆق.
چیرۆکی پڕ لە مانای پەیوەست بە دەشت ودەر…
(لوسی) کچێکی بچکۆڵانەیە ماڵی لە هێڵی ٦٤ـەمینی باخچەی ئاژەڵانە, ماڵەکەی لە تەنیشت باخچەی ئاژەڵانی شارەوانیە.
شەوانە(لوسی) چاوی بەو ئاژەڵانە دەکەوێت کە تەنگەتاون بۆ ئەوەی نۆرەیان بێت تاوەکو چیرۆکە پڕ لە سەرکێشیە هەمەڕەنگەکانی خۆی بگێڕێتەوە.
ئامادەی لە هەر ئەڵقەیەکی نوێ بە دیداری ئاژەڵێکی نوێ و کۆمیدی شاد بیت؟
بوونی هێلکەیەک ڕۆژانە قەسابەکە دوور دەخاتەوە.
لەناو جەرگەی شارۆچکەیەکی گەورە, (زینۆ) کەڵەشێرێکی بێ باک بەڵام ئێسک سووک, هانی چوار مریشکەکەی دەدات لەگەڵ گۆرانی (پوش لەی) هێلکەیەک بکەن. (پۆلی) ئەو ژنە ترسناکەیە کە خاوەنی مریشکەکانە, هەڕەشەی ئەوە دەکات ئەگەر مریشکەکان ڕۆژانە لە کات و ساتی خۆی هێلکە نەکەن ئەوا دەیانفرۆشێتە قەسابەکەی دراوسێیان.
بێگومان دۆخێکی نامۆی لەمجۆرە سەرنجی شاژنە هێلکەکەرەکان پەرتەوازە دەکات لەوەی کاری خۆیان ڕۆژانەی خۆیان لە کێڵگەکە ئەنجام بدەن.
ئاو , خاک , ئاگر و هەوا. تەنها ئەڤەتار گەورەی ئەم چوار توخمە بوو. ئەڤەتار تاکە کەسە کە بتوانێ ڕێگری لە نەتەوەی ئاگر بکات لەوەی جیهان داگیر بکەن. بەڵام کاتێک جیهان پێویستی بەو دەبێت, ئەو دیار نییە. تاکو ئێستا, لە جەمسەری باشوور, تاکە گوندێک هەیە کە سەر بە نەتەوەی ئاوە لە جەنگێکی بەردەوامدایە لە پێناو مانەوە. لەو سەروبەندەدا, ئەو گەنجەی کە توانای کۆنترۆڵکردنی ئاوی هەیە (کاتارا) لەگەڵ برا جەنگاوەرەکەی (سووکا) هەڵدەستن بە رزگارکردنی کوڕێک بە ناوی (ئەنگا) لەناو ئەشکەوتێکی سەهۆڵبەند. (ئەنگا) ئەو کەسە نییە کە تەنها توانای کۆنترۆڵکردنی هەوای هەیە, بەڵکو لە توخمی مرۆڤە کە چەندین سەدەیە کەس نەیبینیوە. بەڵام زۆری پێناچێت بۆیان دەردەکەوێت کە (ئەنگا) ئەڤەتارێکە ماوەیەکی زۆرە دیار نەبوو. ئێستا هەموو کارەکان کەوتۆتە ئەستۆی (کاتارا) و (سووکا) بۆ ئەوەی دڵنیا بن لەوەی کە (ئەنگا) ڕووبەڕووی چارەنووسی خۆی دەبێتەوە لە پێناو پاراستنی خۆی و هۆزەکەی.ئایا باسی ئەوەمان کرد کە (ئەنگا) تەمەنی ١٢ ساڵە؟
ئایا ئامادەی لەگەڵمان گەشتێک بۆ بۆشایی ئاسمان و هەسارەکان بکەین؟
باشترین تاقمی هەسارەکەمان بریتین لە (کۆمێت) و ( هالەی) و (سپووتینک) و ( رادار) و (جێت) کە ئێستا ئامادەن فێری بابەتی تازەتان بکەن. گومانی تێدا نییە, ئەوان باش دەزانن کە کەسایەتی ئەوان جیاوازە, هەموو کەس حەز لە هاوڕێیەتیان دەکات. ئەوانیش هەڵە دەکەن, بەڵام هەرگیز بێ ئومێد نابن. بنەماڵەی ئەسترۆبلاست جیاوازیەکان لە ئامێز دەگرن.
لە هەر ئەڵقەیەک تاقمەکەمان هاوڕێی تازە پەیدا دەکەن, ئەوان جارێکی تر دوپاتی دەکەنەوە کە کاری بە کۆمەڵ باشترین شتە.